Top.Mail.Ru

Сайт нұсқасы

ru kz

Зектілері

Нүкеновтер отбасының адвокаттары Бишімбаев пен Байжановтың үкімін өзгертпеуді сұрады

Опубликовано:

Қуандық Бишімбаев
Қуандық Бишімбаев. Фото: t.me/jogargy_sot

Астана сотында Бишімбаев пен Байжановқа қатысты істің апелляциялық сатысында Нүкеновтер отбасының адвокаттары сөз сөйледі, Олар Байжанов пен Бишімбаевтың үкімдерін өзгеріссіз қалдыруды сұрады, деп хабарлайды KAZ.NUR.KZ тілшісі.

"Үкімнің күшін жоюға ешқандай негіз жоқ, апелляциялық шағымдарды қараусыз, ал үкімді өзгертусіз қалдыруды сұраймын", - деді адвокат Жанна Уразбахова.

Ол сот процесінде Қуандық Бишімбаев пен Бақытжан Байжановтың адвокаттары көрсеткен заңбұзушылықтар жоқ екенін мәлімдеді.

"Менің ойымша, алқа апелляциялық шағымдардың дәлелдерімен танысты және сотталушыларды кінәлі деп тануда алқабилердің пікірі үшін сөзсіз негіз болған барлық дәлелмен танысты. Сот тағайындаған жаза Қылмыстық кодекс талаптарына толық сәйкес келеді. Сондықтан мен апелляциялық шағымдарды қанағаттандырусыз қалдыруды және сот үкімін өзгеріссіз қалдыруды сұраймын", - деді адвокат Игорь Вранчев.

Адвокат Дамир Ишмамбетов қорғаушылар мен сотталғандардың дәлелдерін "ақылға қонымсыз" деп атады. Оның пікірінше, Бишімбаев пен Байжановтың әрекеттеріне дұрыс баға берілген.

Жәбірленушілер тарапының өкілі Әлия Омарова да әріптестерінің пікіріне қосылып, үкімді өзгеріссіз қалдыруды өтінді.

Ал Байжановтың адвокаты үкімнің күшін жоюды және істі қайта қарауды сұрады. Сотта Бақытжан Байжановтың әйелі оның күйеуі – жалғыз асыраушы және отбасының қорғаушысы - "дәлелденбеген айыппен темір тордың артында отыр" деп мәлімдеді.

Естеріңізге сала кетейік, 10 маусымда Астана сотына Бишімбаев пен Байжанов дел бойынша апелляциялық шағым түскен болатын.

Өтініш берушілер өздерінің апелляциялық шағымдарында: Бақытжан Байжановтың іс-әрекетінде қылмыс құрамының болмауына байланысты ақтауды сұрады, ал Қуандық Бишімбаевтың үкімі Қылмыстық кодекстің 99-бабы 2-бөлігінің 5-тармағы (аса қатыгездікпен кісі өлтіру) бойынша айыптауды Қылмыстық кодекстің 106-бабының 3-бөлігіне (абайсызда жәбірленушінің өліміне әкеп соқтырған денсаулыққа қасақана ауыр зиян келтіру) өзгертуді сұрады.

Айта кетейік, әйелі Салтанат Нүкенованы өлтіргені және азаптағаны үшін Қуандық Бишімбаев 24 жылға бас бостандығынан айырылды. Ол жазасын ең жоғары қауіпсіздік қылмыстық-атқару жүйесі мекемесінде өтейді.

Сондай-ақ сот Байжановты ҚР Қылмыстық кодексінің 432-бабы бойынша қылмыстық құқықбұзушылық жасағаны үшін кінәлі деп таныды. Оған орташа қауіпсіздіктегі ҚАЖ мекемесінде 4 жылға бас бостандығынан айыру жазасы тағайындалды.

Мақаланың түпнұсқасы: https://kaz.nur.kz/society/2124510-nukenovter-otbasynyng-advokattary-bishimbaev-pen-baizhanovtyng-ukimin-ozgertpeudi-surady/