Футбол кезінде жанкүйерді жаңбырдан бүркеп тұрған полицейдің әрекеті жұртты сүйсінтті

Желіде футбол матчының көрерменін жаңбырдан бүркеп тұрған полицейдің видеосы тарады. Видео Семейдегі "Спартак" стадионында түсірілген. Бұл жөнінде Ішкі істер министрлігінің Telegram-дағы арнасына сілтеме жасаған KAZ.NUR.KZ хабарлайды.

Ведомство мәліметінше, Семейдегі "Спартак" стадионында нөсер жаңбырдан мүгедек арбасындағы ер адамды қолындағы жабындымен бүркеп тұрған полицейді көрермендердің бірі видеоға түсіріп алған.

"Видеоаның бас кейіпкері футбол матчында қоғамдық тәртіпті күзетіп тұрған ЖҚАЖ арнайы бөлімінің жауынгері болып шықты.

Ол қайырымды іс жасап, бір адамға көмегі тигеніне қуанатынын жеткізді", - делінген ІІМ хабарламасында.

Мәтіннен қате тапсаңыз, бізге жазыңыз