Top.Mail.Ru

Сайт нұсқасы

ru kz

Зектілері

Астанадағы дәмханалардың бірінде ақша ұрлаған ер адам видеоға түсіп қалды

Опубликовано:

Ақша ұрлап жатқан ер адам
Оқиға орны. Видеодан кадр: instagram.com/police__astana

Астанада кафелердің бірінде түнде ұрлық жасаған ер адам бейнебақылау камераларына түсіп қалды. Ақша ұрлады деген күдікпен ер адам ұсталды, деп хабарлайды KAZ.NUR.KZ Астана ПД-ға сілтеме жасап.

"Байқоңыр ауданы ПБ криминалдық полиция қызметкерлері кассадан ақша ұрлады деген күдікке ілінген 34 жастағы азаматты құрықтады.

Тергеу барысында қаскүнемнің түнгі сағат 02.30 шамасында Алаш тас жолы бойында кетіп бара жатып, пластикалық терезені бұзу арқылы кафеге кіргені белгілі болды", - делінген хабарламада.

Ер адам кассадан 38 мың теңге сомасында ақша және сусындар ұрлап, оқиға орнынан ізін суытқан. Кафеге түскен ұрының іс-әрекеті қауіпсіздік камерасының жазбасына түсіп қалған.

Аталған факт бойынша қылмыстық іс қозғалды. Ер адам ұрлық жасағанын мойындаған.

ПД өкілдері күдіктінің елорда аумағында жасалған басқа да осыған ұқсас қылмыстарға қатысы бар-жоғы тексеріліп жатқанын хабарлады.

Астана қаласының полиция департаменті азаматтарды қырағы болуға, тауарлық-материалдық құндылықтарды ұрламау үшін объектілерді күзету бойынша шаралар қабылдауға, оларды бейнебақылау камераларымен және басқа да күзет құралдарымен жабдықтауға ескертті.

"Хабардар бол!" - NUR.KZ ұсынған жаңалықтар топтамасы

Редакция ең өзекті мақалаларды бір жерге топтастырып, назарға ұсынады. Әлемде және елде болып жатқан аптаның ең маңызды оқиғаларынан әрдайым хабардар болып отырыңыз.

* міндетті түрде толтырылуы керек жол

Мақаланың түпнұсқасы: https://kaz.nur.kz/society/2131104-astanadagy-damhanalardyng-birinde-aqsha-urlagan-er-adam-videoga-tusip-qaldy/