Астанада шетелдік азаматты әдепсіз әрекеті үшін елден шығарды

Астананың әкімшілік құқық бұзушылық жөніндегі мамандандырылған ауданаралық сотында заңсыз мигрантқа қатысты әкімшілік істер қаралды, деп хабарлайды KAZ.NUR.KZ.

Астана қаласының әкімшілік құқық бұзушылықтар жөніндегі мамандандырылған ауданаралық соты қоғамдық орында әдепсіз мінез-құлық көрсеткені (ӘҚБтК 434-бабының 1-бөлігі) және шетелдiктiң ҚР халықтың көші-қоны саласындағы заңнамасын бұзғаны үшін (ӘҚБтК 517-бабының 5-бөлігі) құқық бұзушы К.-ға қатысты 2 істі қарады.

Істің мән-жайы бойынша К. қоғамдық орында болған кезінде бұрын таныс емес әйелге қатысты әдепсіз мінез-құлық көрсеткен.

Сондай-ақ құқық бұзушы құрылыс алаңында рұқсатсыз жұмыс істеген.

Сот қаулысымен К. ӘҚБтК-нің 434-бабының 1-бөлігі және 517-бабының 5-бөлігі бойынша әкімшілік құқық бұзушылықтар жасағаны үшін кінәлі деп танылды.

Еске сала кетейік, жақында Астанада 1000-ға жуық адам тіркеген пәтер иесі сотталды. Астаналықтың ауданы 35,7 шаршы метрлік бір бөлмелі пәтерінде 937 адам тіркелген. Фактіні елорда прокуратурасы көші-қон заңнамасы талаптарының сақталуын тексеру аясында анықтады.