Қазақстанда жоспардан тыс тексеруден кейін бірнеше әуекомпания мен ұшқышқа айыппұл салынды

Қазақстанда жоспардан тыс тексерулер басталғаннан кейін бірнеше әуекомпаниясы мен ұшқышқа айыппұл салынды. Бұл туралы Көлік министрлігіне сілтеме жасаған KAZ.NUR.KZ хабарлайды.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Қазақстанда жоспардан тыс тексерулер нәтижесінде шағын авиацияға жататын 3 әуе компания мен 4 ұшқыш әкімшілік жауапкершілікке тартылды.
• Тексерулер барысында ұшқыштың куәлігінсіз ұшу, ұшу құжаттамасының болмауы және техникалық қызмет көрсету құжатын орталыққа жібермеу сияқты бұзушылықтар анықталды.
• Көлік министрлігінің хабарлауынша, шілде айында 10 авиакомпанияны іріктеп тексеру жүргізілді және тамыз айында тағы 6 пайдаланушыны тексеру жоспарланған.

Көлік министрлігі Қазақстанның авиациялық әкімшілігі жүргізген тексерулердің нәтижесінде шағын авиацияға жататын 3 әуекомпания мен 4 ұшқышты әкімшілік жауапкершілікке тартты.

Қазақстанның авиациялық әкімшілігі Көлік министрінің тапсырмасына сәйкес, Ан-2 ұшақтарын тексеруге қатысты жеңіл және аса жеңіл азаматтық әуе кемелерін пайдаланушыларын жоспардан тыс тексеруде.

Жоспардан тыс тексерулердің қорытындысына сәйкес, әуе кемелерін пайдалану кезінде азаматтық авиация саласындағы нормативтік құқықтық актілердің мынадай талаптарын бұзушылықтар анықталды:

• командир әуе кемесінде ұшқыштың қолданыстағы куәлігінсіз ұшуды жүзеге асырды (4 факт тіркелді) және әуе қозғалысына қызмет көрсету органына хабарламаған;
• ұшу құжаттамасының болмауы;
• әуе кемесінің техникалық қызмет көрсету құжатын орталыққа жібермеген фактілер тіркелді.

Жоспардан тыс тексерулер жүргізу бойынша жұмыстар жалғасуда. Тамыз айында 6 пайдаланушыны тексеру жоспарланған.

"Сондай-ақ шілде айында 10 авиакомпанияны іріктеп тексеру жүргізілді. Көлік министрлігінің Азаматтық авиация комитеті Қазақстанның авиациялық әкімшілігі жүргізген тексерулердің нәтижесінде шағын авиацияға жататын 3 әуе компаниясы мен 4 ұшқышқа ҚР Азаматтық авиация саласындағы нормативтік құқықтық актілерді бұзғаны үшін 11 айыппұл салды", - делінген хабарламада.

Еске салсақ, Көлік министрлігінің тапсырмасына сәйкес, Қазақстанның авиациялық әкімшілігі соңғы уақытта әуе кемелеріне зақым келтіру жағдайларының жиі болуына байланысты елорда әуежайында жоспардан тыс тексеру өткізетінін хабарлаған едік.