Шымкентте 38 миллиард бюджет қаражатының қайда жұмсалғаны тексеріліп жатыр

Опубликовано:8 тамыз 2024, 15:47

Ақша номиналы. Көрнекі сурет: KAZ.NUR.KZ/Владимир Третьяков

Шымкентте жыл басынан бері 54 тексеріс жүргізілді. Аудиторлар 38 миллиард бюджет қаражатының қайда жұмсалғанын тексеріп жатыр, деп хабарлайды KAZ.NUR.KZ Otyrar.kz-ке сілтеме жасап.

КЛЮЧЕВЫЕ МОМЕНТЫ

Шымкентте жыл басынан бері 54 тексеріс жүргізіліп, 38 миллиард бюджет қаражатының қайда жұмсалғаны тексерілуде.
Мемлекеттік сатып алу саласында 20 млрд теңге қаржылық, 11,6 млрд теңге рәсімдік және 5,2 млрд теңге заңнама бұзушылықтары анықталды.
Камералдық бақылау нәтижесінде 72,9 млрд теңгеге бұзушылықтар анықталып, 42 әкімшілік іс қозғалды және бюджетке 4,7 млн теңге айыппұл өндірілді.

Телеарнаның хабарлауына сәйкес, олар елуден астам тексеру жүргізіп, мемлекеттік сатып алу саласындағы қаржылық, процедуралық бұзушылықтар мен кемшіліктерді анықтады.

17 лауазымды тұлға тәртіптік жауапкершілікке тартылды.

Қаржылық бұзушылықтар – 20 млрд теңге, рәсімдік бұзушылықтар – 11,6 млрд теңге, мемлекеттік сатып алу туралы заңнаманы бұзушылықтар 5,2 млрд теңге болды.

Жыл басынан бері Шымкентте 17 мыңға жуық лот ойнатылып, 455 миллиард 500 миллион теңгеге мемлекеттік сатып алулар рәсімі жүзеге асырылды. Қазір мамандар конкурстық іріктеуден өткендерді түзету бойынша жұмыс жүргізіп жатыр.

"Камералдық бақылаумен жалпы сомасы 437 млрд 700 млн теңгеге 15 563 лот қамтылды, нәтижесінде 72 млрд 900 млн теңгеге бұзушылықтар анықталды. Конкурсты өткізу кезінде ұйымдастырушы негізсіз шектейді немесе артық талаптар қояды. Мұндай фактілер анықталды", - дейді Шымкент қаласы бойынша ішкі мемлекеттік аудит департаменті басшысының орынбасары Нұржан Сүлейменов.

Осы мәліметтер бойынша 42 әкімшілік іс қозғалды. Нәтижесінде бюджетке 4 млн 700 мың теңге көлемінде айыппұл өндірілді.

Мәтіннен қате тапсаңыз, бізге жазыңыз