Шымкенттік ағайынды асықшылар Дүниежүзілік көшпенділер ойындарында ел намысын қорғайды (видео)

Дүниежүзілік көшпенділер ойындарында ел намысын шымкенттік ағайынды үш асықшы қорғайды. Спортшылар қазір әлемдік додаға қызу дайындалып жатыр, деп хабарлайды деп хабарлайды KAZ.NUR.KZ Ontustiktv.kz арнасына сілтеме жасап.

Телеарнаның ресми сайтында хабарланғандай, Нұрқисса, Нұржігіт, Нұрқанат ағайынды жігіттер – иіріп асық атудың хас шебері. Үшеуі де ұлттық құрама сапында өнер көрсетеді. Былтыр ел чемпионы атанған. Ағайынды үш жігіт атадан қалған ұлттық ойынды осылайша дәріптеп жүр.

Нұрқанат Молжігітов 4 жылдан бері ұлттық құрамада өнер көрсетеді. Асық атудан халықаралық дәрежедегі спорт шебері.

"Асық сабырлық пен  асқан мергендікті қажет етеді. Дегенмен сан ғасырлық тарихы бар, халқымыздың ұлттық ойынындағы басты құндылық ол – сақа", - дейді шебер.

Асық түскен қалпына қарай: алшы, тәйке, бүк, шік, деп бөлінеді. Халық арасында Алшы, Омпа, Ханталапай, Тас қала, Құмар, Көтеріспен, Хан секілді түрлері кең тараған. Соның ішінде асық ату көшпенділер ойындарына еніп отыр. 

Қыркүйекте спорттың 21 түрін қамтыған дүбірлі додада миллионды қаланың саңлақтары спорттың 6 түрінен бақ сынайды.

Мәтіннен қате тапсаңыз, бізге жазыңыз