Қазақстанда рулі оң жақтағы көлік иелеріне такси қызметін атқаруға тыйым салынады

Көлік министрі Марат Қарабаев үкімет кулуарында енді такси агрегаторлары рулі оң жақтағы көліктерді тіркемейтінін мәлімдеді. Бұл туралы KAZ.NUR.KZ хабарлайды.

Министрдің айтуынша, қазіргі таңда InDriver компаниясымен меморандумға қол қойылған, онда агрегатордың оң рульді көліктерді тіркеуден бас тартуы қарастырылған.

"Заң бойынша рулі оң жақтағы көліктермен такси қызметіне тыйым салынады, сондықтан InDriver де, "Яндекс" те оларды тіркемейді, "Яндекс" пен InDriver 1 қаңтарға дейін инвентаризация жүргізеді, рулі оң жақтағы көліктерді анықтайды және шектейді.

Рулі сол жаққа ауыстырылған көліктер бар. Олар азаматтардың денсаулығына және қозғалысқа қауіп төндіреді. Интернет-провайдерлер аудит жүргізеді және 1 қаңтардан бастап мұндай көліктер анықталып, шектеу қойылады", - деді Қарабаев.

Сондай-ақ министр ІІМ жол қозғалысы ережесін жиі бұзатын жүргізушілердің тізімін беретінін, олар да агрегаторлық жүйеден ажыратылатынын атап өтті. Бұл ретте шектеу азаматтардың өзіне және көліктеріне де қатысты болады, деді министр.

Еске салайық, бұған дейін Қарабаев такси жүргізушілерінің жолаушыларды 50 километрден көп тасымалдауына тыйым салу туралы ұсынысқа қатысты пікір білдірген болатын.

Мәтіннен қате тапсаңыз, бізге жазыңыз