ҚМА ресейлік, украиналық және екі қазақстандыққа халықаралық іздеу жариялады

Қаржылық мониторинг агенттігі Ресей, Украина және Қазақстан азаматтарына халықаралық іздеу жариялады. Бұл туралы ҚМА Telegram-дағы арнасында хабарлады.

ҚМА ақпаратынша, мына азаматтарға халықаралық іздеу жарияланған:

• Ресей Федерациясының азаматы Черных Сергей Владимирович, 1993 жылы туған;
• Украина азаматы Юдина Марина, 1999 жылы туған;
• Қазақстан Республикасының азаматы Нестеренко Павел Игоревич, 1998 жылы туған;
• Қазақстан Республикасының азаматы Мусалиева Тұрсын Бегдатқызы, 1996 жылы туған.

"Аталған тұлғаларға қатысты Алматы облысы мен Алматы қаласы аумағында 1WIN онлайн-казино түрінде заңсыз құмар ойындар мен букмекерлік қызметті ұйымдастыру және басқару, азаматтарға зорлық-зомбылық көрсету, заңсыз бас бостандығынан айыру күдігімен іздеу жарияланды. Осыған байланысты қылмыстық әрекеттерден түскен қаражат 3,8 миллиард теңгені құрайды", - делінген хабарда.

Агенттік өкілдері іздеудегі тұлғалардың орналасқан жері туралы қандай да бір ақпарат білетін азаматтардан төмендегі телефон нөмірлеріне хабарласуды сұрады:

+7-701-577-56-83 - Іздеу жұмыстары бойынша;

+7-701-121-47-65 - Іздеу жұмыстары бойынша;

+7-727-279-20-86 - кезекші бөлім.

Бұл ретте ҚМА өкілдері анонимділік пен сыйақы кепілдік берілетінін мәлімдеді.