"2,5 тонна қоқыс шығарды": ШҚО-да ауыл тұрғындары сенбілікке шықты

Мемлекет басшысы Қасым-Жомарт Тоқаевтың тапсырмасы бойынша өңірлерде "Таза Қазақстан" экологиялық акциясы өткізіліп жатыр. Осыған байланысты Глубокое ауданы аумақты көгалдандыру, абаттандыру және жинау жұмыстарын белсенді жүргізіп жатыр.

Сенбілік – тазалық, тәртіп пен жайлылық іс-шарасы. Акция аясында барлық ауылдық округте жазғы кезеңде көшелерді, жол жиектерін, қоғамдық орындардағы қоқыстарды жинау, абаттандыру жұмыстары және басқа да санитарлық шаралар жүргізілді.

29 тамызда Белоусовка кентінде "Таза бейсенбі" акциясы өтті.

Акцияны AMANAT партиясының Шығыс Қазақстан облыстық филиалы Глубокое ауданының әкімдігімен бірлесіп ұйымдастырды. Оған еріктілер, жастар, түрлі ұйымдардың қызметкерлері, бастауыш партия ұйымдарының өкілдері, депутаттар мен тұрғындар қатысты.

Акцияға қатысушылар кенттегі көлдің айналасын тазартты.

Акция басталғаннан бері қатысушылар полигонға 2,5 тонна қоқыс жинап шығарды. Сенбілікке 100 жуық адам тартылды.

Акция халықтың назарын табиғаттың ластану проблемасына, қоршаған ортаны қорғауға, тазалықты сақтауға және қоғамда экологиялық мәдениетті қалыптастыруға аудару мақсатында өткізілді.

Әкімдік өкілдері Глубокое ауданының барлық тұрғынын өз үйінде тазалық пен тәртіп орнатуға және сол арқылы ортақ іске үлестерін қосуға шақырады.

Акция жалғасады.

Мәтіннен қате тапсаңыз, бізге жазыңыз