Семейде шенеунік 4 мыңнан 25 мың теңгеге дейін пара алғаны үшін сотталды

Семейдің ауыл шаруашылығы бөлімі басшысының міндетін атқарушы бірнеше рет пара алғаны үшін кінәлі деп танылды. Бұл туралы Абай облыстық сотына сілтеме жасаған KAZ.NUR.KZ хабарлайды.

Соттың Facebook-тегі парақшасында пайда болған ақпаратқа сәйкес, Семей қаласының №2 соты айыпталушыларға қатысты қылмыстық істі қарады – біреуі (ҚК 366 – бабының 3-бөлігінің 4-тармағы) және бесеуі – пара беру (ҚК 367-бабының 1-бөлігі).

"Семей қаласының ауыл шаруашылығы бөлімі басшысының міндет атқарушы құжаттарды жеделдетіп ресімдегені, жүргізуші куәлігін ауыстыру бойынша мемлекеттік қызмет көрсетуге жәрдемдескені, жоғары сұраныстың мемлекеттік тіркеу нөмірін алуға жәрдемдескені үшін бес азаматтан пара алды (4 мың теңгеден 25 мың теңгеге дейін)", - делінген хабарламада.

Сотталушылардың кінәсі олардың мойындау айғақтарымен, арнайы жедел-іздестіру іс-шараларының және жасырын тергеу әрекеттерінің нәтижелерімен, банктік шот үзінді көшірмесімен, құжаттарды қарау хаттамаларымен дәлелденді.

ҚК 366-бабы 3-бөлігі 4-тармағының санкциясы мүлкі тәркіленіп, мемлекеттік қызметте лауазымдарды атқару құқығынан өмір бойына айыра отырып, параның 60 еседен 70 есеге дейінгі сомасы мөлшерінде айыппұл салуға не жеті жылдан он екі жылға дейінгі мерзімге бас бостандығынан айырумен жазалауды көздейді.

ҚК 367-бабының 1-бөлігінің санкциясы мүлкі тәркіленіп, мемлекеттік қызметте қызмет атқару құқығынан өмір бойына айыра отырып, параның 20 еседен 30 есеге дейінгі сомасы мөлшерінде айыппұл түрінде не мүлкі тәркіленіп, бес жылға дейінгі мерзімге бас бостандығынан айыруды көздейді.

ҚК 55-бабы 2-бөлігінің 1-тармақшасы бойынша жеңілдететін және ауырлататын мән-жайлар болмаған кезде жазаның негізгі түрінің мерзімі немесе мөлшері ауырлығы орташа қылмыс жасаған кезде-жартысынан аспауға тиіс.

"Айыпталушылар кінәсін толық мойындады және соттан айыппұл түрінде жаза тағайындауды сұрады.

Айыпталушылардың кінәсін толық мойындауы, шын жүректен өкінуі және екі жас баланың болуы жеңілдететін мән-жайлар деп танылды", - деп атап өтілді соттың хабарламасында.

Пара алушыда қылмыстық құқық бұзушылық жасау ауырлатушы деп танылды, осылайша ол қабылдаған антты бұзды.

Сот ауыл шаруашылығы бөлімінің басшының м.а. ҚК 366-бабының 3-бөлігі 4-тармағы бойынша кінәлі деп танылып, оған жаза тағайындалды – 2,9 млн теңге айыппұл (пара сомасынан 60 есе), мемлекеттік қызметте қызмет атқару құқығынан өмір бойына айырылды.

Пара берушілер кінәлі деп танылып, оларға – 60 мыңнан 375 мың теңгеге дейін (пара сомасынан 15 есе) айыппұл түрінде жаза тағайындалды, мемлекеттік қызметте қызмет атқару құқығынан өмір бойына айырылды.

Үкім заңды күшіне енген жоқ.