Қарағандыда тұрғын үйдің кіреберісінен табылған сәбидің анасына қатысты іс тоқтатылды

Қарағандыда осы жылдың ақпан айында тұрғын үйдің кіреберісінен табылған жаңа туған нәрестенің анасына қатысты қылмыстық іс тоқтатылды. Бұл туралы облыстық полиция департаментіне сілтеме жасаған KAZ.NUR.KZ хабарлайды.

Бала анасына қайтарылды. Өңірдің полиция департаменті бұл факт бойынша сотқа дейінгі тергеу жүргізілгенін, ол бойынша тоқтату туралы шешім қабылданғанын, прокурор қабылдаған шешімді бекіткенін хабарлады.

"Баланы қайтару мәселесі полицияның құзыретіне жатпайды, бұл шешімді қамқоршылық және қорғаншылық органдары қабылдады", - деп атап өтті полицейлер.

Еске салсақ, бұған дейін Қарағандыда көпқабатты үйдің кіреберісінен жаңа туған нәресте табылғанын хабарлаған едік. жедел басқару орталығына ер адам телефон шалып, Қарағандының оңтүстік-шығыс ауданында орналасқан үйлердің бірінің дәлізінде нәресте жатқанын хабарлаған.

Оқиға орнына жеткен полицейлер жаңа туған ұл баланы тауып, үсік шалудан аман алып қалды.

Мәтіннен қате тапсаңыз, бізге жазыңыз