Қазақстанда цифрлық Ұлттық банк құрылады

Central Asia Fintech Summit-тегі Ұлттық банк төрағасының орынбасары Қазақстанның цифрлық ұлттық банкін құру туралы айтты. Бұл туралы KAZ.NUR.KZ тілшісі хабарлайды.

"Қаржы нарығын реттеу және дамыту агенттігі және нарық қатысушыларымен бірлесіп біз қаржы нарығында инновациялық заңнамалық ортаны құру үшін жоспарланған реттеушілік өзгерістерге қосымша, біздің барлық цифрлық бастамаларымызды цифрлық Ұлттық банктің бірыңғай тұжырымдамасына біріктіретін алдағы 5 жылға арналған қаржы реттеушілерін цифрландыру стратегиясын әзірлейміз.

Қаржы ұйымдарының өзара іс-қимылын және цифрлық қаржылық қызметтердің ұлттық деңгейде кең ауқымды енуін қамтамасыз ететін ұлттық цифрлық қаржылық инфрақұрылымсыз цифрландырудың сапалы жаңа кезеңіне көшу мүмкін емес", - деді Ұлттық банк басшысының орынбасары Ақылжан Баймағамбетов.

Ол бұл мәселеде мемлекет жүйелік оператор рөлін атқаратын елдің біртұтас энергетикалық желісімен салыстыруға болатынын айтты.

"Инфрақұрылымның негізгі құрамдас бөліктері ұлттық төлем жүйесі, цифрлық теңге платформасы, Open API платформасы, цифрлық келісім механизмі, биометриялық сәйкестендіру жүйесі және алаяқтыққа қарсы орталық болып келеді.

Бұл шешімдердің кейбірі қазірдің өзінде жұмыс істеп тұр, ал кейбіреулері, мысалы, цифрлық теңге, Open API платформасы және алаяқтыққа қарсы орталық өткен жылы пилоттық режимде іске қосылды, қызметтері кеңейтілуде. 2025 жылға қарай бұл инфрақұрылымды қалыптастыру бойынша негізгі жұмыстар аяқталады", - деп толықтырды Баймағамбетов.

Мәтіннен қате тапсаңыз, бізге жазыңыз