Семейде жолдан жүгіріп өткен 7 жасар баланы көлік қағып кетті

Семейде жолдан жүгіріп өткен 7 жасар баланы көлік қағып кетті. Бұл туралы KAZ.NUR.KZ Абай облыстық ПД баспасөз қызметіне сілтеме жасап хабарлайды.

Ақпарат Абай облыстық полиция департаментінің Telegram-дағы арнасында жарияланды.

"Бүгін сағат 12:30-да Селевин көшесінде 7 жасар баланы жолдан жүгіріп өткен кезде көлік қағып кетті.

Бақытымызға орай, бала жеңіл жарақаттармен аман қалды, бірақ жүргізуші жаяу жүргіншіге жол бермегені үшін жауапқа тартылды”, - делінген хабарламада.

Полиция мұндай жағдайлардың алдын алу үшін балаларды қауіпсіз жүріс-тұрысқа үйрететін бейнеүзінді дайындады.