Алматы облысы тауларында екі жасөспірім адасып кеткен
Опубликовано:
Алматы облысында Фурманов шыңына бет алған екі жасөспірім адасып кеткен. Құтқарушылар оларды құтқару лашығынан тапты. Бұл туралы Төтенше жағдайлар министрлігіне сілтеме жасаған KAZ.NUR.KZ хабарлайды.
Ведомствоның Telegram-дағы ресми арнасында жарияланған мәлімет бойынша, ТЖМ құтқарушылары жас туристерді таудан түсірген.
"Алматы облысында 17 жастағы екі жасөспірім биіктігі 3050 метр болатын Фурманов шыңына көтеріліп, адасып қалған. Ұялы телефон арқылы 112 нөміріне қоңырау шалып көмек сұрады.
Іздестіру-құтқару жұмыстарын жүргізу кезінде ТЖМ Республикалық жедел-құтқару жасағының жедел тобы мен Алматы қаласының құтқару қызметінің қызметкерлері адасып кеткендерді "Панорама" шыңындағы құтқару лашығынан тапты", - делінген хабарламада.
Құтқарушылар жас туристерді қауіпсіз жерге түсіріп, кейін оларды ата-аналарына тапсырған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2179106-almaty-oblysy-taularynda-eki-zhasospirim-adasyp-ketken/