Түркістанда жүргізуші куәлігінен айырылған азамат қауіпсіздік белдігін тақпай көлік айдаған

Түркістан қаласы патрульдік полиция батальоны қызметкерлері Бекзат Саттарханов даңғылы бойында Land Range Rover маркалы автокөлігін тоқтатты. Олар көлік жүргізушісінің қауіпсіздік белдігін тақпағанын анықтаған, деп хабарлайды Polisia.kz.

Басылым мәліметінше, құжат тексеру барысында көлік жүргізушісінің бұрын әкімшілік жауапкершілікке тартылып, көлік құралын басқару құқығынан жеті жылға айырылғаны белгілі болған.

Оған қатысты құжаттары мен басқару құқығы жоқ адамның көлік құралын басқару фактісі бойынша әкімшілік шаралар қабылданған. Көлік айыппұл тұрағына қойылды.

Осы ретте полиция автокөлік иелеріне жол ережелерін сақтау және көлік құралын жүргізуші куәлігінсіз басқармау туралы ескертті.

Мәтіннен қате тапсаңыз, бізге жазыңыз