ТЖД өкілдері елордалықтарға ескерту жасады

Астана қалалық төтенше жағдайлар департаменті өкілдері елордалықтарға ауа райының қолайсыздығына байланысты ескерту жасады. Бұл туралы KAZ.NUR.KZ Қалалық мониторинг және жедел әрекет ету орталығына сілтеме жасап хабарлайды.

"Қазгидромет" РМК деректеріне сүйенген Астана қалалық ТЖД мәліметінше, 8 қарашада түнде бұрқасын күтіледі.

Жел оңтүстік-батыстан соғады, жел екпіні 15-20 м/с-ге дейін жетеді деп ескертілді.

Айта кетейік, бұған дейін қатты жел салдарынан Астананың кейбір аудандары жарықсыз қалғанын жазған едік.

Сондай-ақ Астана әуежайында ауа райына байланысты рейстер тағы да кешіктірілгені мәлім болды.

Ауа райына байланысты 7 қарашада Астанада мектеп оқушылары да қашықтан оқытуға ауыстырылды.

Елорданың қоғамдық денсаулық сақтау басқармасы өкілдері қатты жел салдарынан жарақат алған 140-тан астам адам травматологиялық пункттерге түскенін хабарлаған еді.