Бүгін Қазақстанның ірі қалаларында қар жауады деп болжанды

Астана, Алматы мен Шымкентте 13 қарашада ауа райы қандай болады? Ауа райы болжамын OpenWeather порталы жария етті, деп хабарлайды KAZ.NUR.KZ.

Бүгін Алматыда қар және жаңбыр жауады. Күндіз ауа температурасы 5 градусқа дейін көтеріліп, түнде 2 градусқа дейін түседі. Желдің жылдамдығы 2,1 м/с болмақ.

Астанада, синоптиктердің болжамынша, аздаған қар жауады. Күндіз ауа температурасы -6 градусқа дейін жетіп, түнде -13 градусқа дейін төмендейді. Желдің жылдамдығы 7,6 м/с болады.

Шымкентте бүгін қар мен жаңбыр жауады деп болжанып отыр. Күндіз термометр бағаны 8 градусқа дейін көтерліссе, түнде -2 градусқа дейін түседі. Желдің жылдамдығы 5,1 м/с деңгейінде болмақ.

Айта кетейік, Алматыда 13 қараша түннен бастап 14 қараша таңға дейін жаңбыр жауып, арты қарға ұласады, ауа температурасы -3 градусқа дейін төмендейді деп болжанып отыр. Осыған байланысты қала әкімдігі тұрғындарға ескерту жасады.