Бүгін Астана, Алматы және Шымкент қаласында ауа райы қандай болады

Сенбі күні Қазақстанның үш мегаполисінде де – Астана, Алматы және Шымкентте ауа райы жауын-шашынсыз болады. Бұл туралы OpenWeather порталына сілтеме жасаған KAZ.NUR.KZ хабарлайды.

Алматыда бүгін көшпелі бұлт шығады. Күндіз ауа температурасы 3 градус жылы болса, түнде -5 градусқа дейін төмендейді. Желдің жылдамдығы 1,6 м/с болады.

Астанада да көшпелі бұлт шығады. Ауа температурасы күндіз -4 градус болса, түнде -12 градусқа дейін төмендейді деп күтіледі. Желдің жылдамдығы – 2,6 м/с.

Шымкентте бүгін күн ашық болады. Күндіз термометр 13 градусты көрсетсе, түнде 0 градусқа дейін төмендейді. Желдің жылдамдығы 5,4 м/с болады.

Бұған дейін Қазақстанның басым бөлігінің тұрғындарына сенбі күні ауа райының қолайсыздығы туралы ескертілген болатын.

Мәтіннен қате тапсаңыз, бізге жазыңыз