Шымкент әкімі шағынаудандардағы құрылыс нысандарын тексерді (видео)

Шымкент әкімі Ғабит Сыздықбеков Тұран, Достық және Жиделі шағынаудандарын аралады. Ол Тұран шағынауданында салынып жатқан кәріз коллекторының құрылысымен танысып, 120 мың абонентті орталық кәріз жүйесіне қосу үшін дайындық жұмыстарын жеделдетуді тапсырды. Бұл туралы KAZ.NUR.KZ Өңірлік коммуникациялар қызметіне сілтеме жасап хабарлайды.

ӨКҚ Instagram-дағы мәліметіне сүйенсек, Абай ауданындағы Достық шағынауданында автокөлік иелеріне арналған мамандандырылған халыққа қызмет көрсету орталығын аралап, автодром салу үшін жер телімін бөлу мүмкіндігін қарастыруды ұсынды.

Жиделі шағынауданында жаңа гүлзардың ашылу салтанатына қатысып, қоғамдық орынның абаттандырылуы үшін орындықтар, қоқыс жәшіктері, жарықшамдар орнатылғанын, көгалдандыру жұмыстарында 300 қарағаш пен қарағай көшеттері отырғызылғанын мәлімдеді.

Әкім сондай-ақ жаңа әуежай терминалында болды, нысанның пайдалануға берілуге дайындық деңгейін тексерді. Жұмыс барысында қала дамуына қатысты өзекті мәселелер талқыланды, ал әкімдік алдағы уақытта абаттандыру жұмыстарын жүйелі түрде жалғастыруға ниетті екенін атап өтті.