Жаңа жылға қарсы теміржол билеттері қымбаттай ма: көлік министрі жауап берді

Министрлер кабинеті отырысында көлік министрі Марат Қарабаев теміржол көлігі саласындағы тарифтік саясатты жетілдіру жоспарларын бөлісті. Министр "Бұл пойыз билеттеріне әсер ете ме?" деген сауалға жауап берді, деп хабарлайды KAZ.NUR.KZ.

Отырыстан кейін өткен брифингте министр бұл тек жүк тасымалдау саласына қатысты екенін нақтылады.

"Теміржол инфрақұрылымын дамытуға бағытталған жобаларды уақытында іске асыру үшін тарифтік саясат одан әрі жетілдіріледі. Бұл ретте отындық өндірушілердің мүдделері толықтай ескеріледі.

Қазіргі уақытта тарифтерді кезең-кезеңімен ұлғайту және бағалық шектер механизмін енгізу жөнінде бірқатар шара қабылдануда. Сонымен қатар осы салада тәжірибесі бар халықаралық консультанттардың қатысуымен жаңа тарифтік әдістеме әзірленіп жатыр", - деді Марат Қарабаев.

Ол 1 қазаннан бастап Қазақстанда пойыз билеттерінің құны көтерілгенін еске салды, жақын арада басқа өзгерістер жоспарланбайды.

"Мұның жолаушылар тасымалына қатысы жоқ. Билеттер келесі жылы қымбаттамайды. Ал алдағы мерекелерде ешқандай өзгеріс күтудің қажеті жоқ – билет құны сол қалпы қалады", - деп сендірді Қарабаев.

Еске салсақ, бұған дейін Министрлер кабинетінің отырысында "Қазақстан темір жолы" АҚ төрағасы қазақстандықтардың пойыздардың жиі кешігуіне байланысты шағымдарына жауап берген еді.