Эмоцияға бой алдырған: қазақстандық тікелей эфирде әдепсіз сөздер айтқаны үшін қамауға алынды

Сот тікелей эфирде әдепсіз сөздер айтқан Қазақстан азаматын бес тәулікке қамауға алу туралы шешім шығарды. Бұл туралы KAZ.NUR.KZ Алматы сотына сілтеме жасап хабарлайды.

Алматы соты мәліметінше, сотта Ш., өз кінәсін мойындап, іс материалдарында көрсетілген мән-жайларды растап, арандатушылыққа ұшырап, эмоцияға беріліп кеткенін хабарлады.

434-баптың 1-бөлігінің санкциясы 20 айлық есептiк көрсеткiш мөлшерiнде айыппұл салуға немесе 5-тен 15 тәулікке дейінгі мерзімге әкімшілік қамаққа алуға жауаптылықты қарастырылған.

"Сот қаулысымен Ш. ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оған 5 тәулікке қамауға алу түріндегі әкімшілік жаза тағайындалды", - делінген хабарламада.