Шымкентте 34 жастағы келіншек оныншы баласын дүниеге әкелді (фото)

Шымкентте 34 жастағы келіншек оныншы баласын дүниеге әкелді. 1990 жылы туған Азиза Қалиева ұлын қалалық перинаталды орталықта кесарь тілігі арқылы босанған. Бұл туралы KAZ.NUR.KZ қала әкімдігінің баспасөз қызметіне сілтеме жасап хабарлайды.

Әкімдіктің Instagram-дағы мәліметінше, нәрестенің салмағы 4900 грамм. Қазір ана мен сәбидің жағдайы жақсы. Бұл отбасындағы оныншы перзент.

Айта кетейік, қалалық перинаталдық орталықта биылдан бастап неонаталдық хирургиялық операциялар жасала бастады. Мамандандырылған көмек түрлерін көрсетуге барлық жағдай жасалған. Мұнда ішкі ағзалар ақауымен туылған 40-там астам сәбиге күрделі ота өткізілген.

Перинаталдық орталықта жыл басынан бері 7517 сәби дүниеге келген. Оның ішінде мерзіміне жетпей туған 707 нәресте және 96 егіз бар.