Алаш қайраткері Мұхаметжан Тынышбайұлының ұлы өмірден өтті

Қазақтың көрнекті саяси және қоғам қайраткері Мұхаметжан Тынышбайұлының ұлы, техника ғылымдарының докторы Дәулет Шейх-Әли-Тынышпаев өмірден өтті. Қаралы хабарды баспагер әрі қоғам белсендісі Бақытжан Бұқарбай жеткізді, деп жазады KAZ.NUR.KZ.

"Алаштың арысы Мұхаметжан Тынышбайұлының туған ұлы, техника ғылымдарының докторы Дәулет Шейх-Әли-Тынышпаев (1931-2024) екі күн бұрын АҚШ-та дүниеден озды деген суық хабар келді. Атамыздың туысқандарына қайғырып көңіл айтамыз", - деп жазды Бақытжан Бұқарбай Facebook-тегі парақшасында.

Айта кетейік, Уикипедия ашық энциклопедиясы ақпаратынша, Дәулет Мұхамеджанұлы 1931 жылы Алматы қаласында өмірге келген. Ол - ғалым, техника ғылымдарының докторы. 1954 жылы Уфа мұнай институтын бітірген.

1932-35 жылдары әкесі М.Тынышпаевпен бірге Воронеж облысында айдауда болды. Башқұртстан ғылылыми-зерттеу және жобалау институтында жауапты қызметтер атқарды. Шейх-Али басшылығымен Башқұртстанның, Қазақстанның көптеген мұнай-газ өндіретін кәсіпорындары зерттелген. 100-ден аса ғылыми еңбегі жарияланған.

KAZ.NUR.KZ редакциясы Дәулет Шейх-Әли-Тынышпаевтың отбасы мен жақындарына қайғырып көңіл айтады.