"2,5 мың ойыншық ілінген": Астананың бас шыршасы қалай безендірілді (фото)

18 желтоқсанда Астанада бас шырша шамы жағылды. KAZ.NUR.KZ тілшісі қала тұрғындарына ерекше атмосфера сыйлаған іс-шараға барып, шыршаның жарқыраған сәтін түсіріп қайтты.

Бас шырша Астана Арена стадионының алдына қойылды. Оның жағылған сәтін тамашалауға көп адам келгені байқалады. Алаң халыққа толды. Нұра айданында орналасқан Астананың бас шыршасы 25 метрге дейін жетеді.

"Биыл шыршаны 2,5 мың ойыншықпен, 11,500 метр гирляндалармен, 300 строб шамдарымен безендірдік. Бұл елорданың ең үлкен шыршасы. Одан бөлек бұл жерде 2 мұз айдынын, 40 метрлік үлкен сырғанақ және балалар сырғанағын жабдықтадық. Сондай-ақ Аяз атаның үйі, сауда павильондары бар. Бұл орын сол жағалау мен оң жағалау тұрғындарының келіне ыңғайлы"- дейді Нұра ауданы әкімінің орынбасары Әлия Әбсеметова.

Мерекелік кеште Ринат Малцагов, AYREE және Қайрат Баекенов секілді қазақ эстардасының әншілері халықтың көңілін көтерді

Биыл Нұра ауданынын жаңажылдық безендіруге 79 миллион теңге бөлінген.

Бұл күні бас шыршамен бірге қалада 30 шырша шамы жағылды. Олар қаланың орталығында және әр ауданында да орналасқан.

Айта кетейік, биыл Астана көшелерін Жаңа жылдық безендіруге қала әкімдігі 696,7 млн теңге бөлді.