Шымкентте құрылыс заттар дүкенінің қоймасынан өрт шықты (видео)
Опубликовано:
Шымкентте құрылыс заттар дүкенінің қоймасынан өрт шықты. Бұл туралы Otyrar.kz хабарлайды.
Басылымның Instagram-дағы мәліметіне сүйенсек, оқиға 19 желтоқсан сағат 02:37 шамасында Қаратау ауданы Жібек жолы көшесінде орналасқан "Сайман" дүкенінің қоймасында болған. Онда аэрозольді бояу, монтаждық көбік, силиконды клей, герметик сынды құрылыс заттары өртке оранған.
Өрт сөндірушілер оқиға орнына жедел жетіп, өртті сағат 03:06-да оқшаулап, сағат 03:44 шамасында толығымен сөндірді. Өрттің аумағы 60 шаршы метрді құрады. Зардап шеккендер мен қайтыс болғандар жоқ.
Оқиға орнына Шымкент қаласы Төтенше жағдайлар департаментінен 38 қызметкер мен 6 техника, сондай-ақ Апаттар медицина орталығынан 3 адам мен 1 техника жұмылдырылды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2202579-shymkentte-qurylys-zattar-dukenining-qoimasynan-ort-shyqty-video/