Ақтаудағы ұшақ апаты: шымкенттік жастар зардап шеккендер үшін қан тапсырды

Шымкенттік жастар Ақтаудағы ұшақ апатынан зардап шеккендер үшін қан тапсырды. Бұл туралы Otyrar.kz хабарлайды.

Зардап шеккендерге қан тапсыруды алғаш болып Жастар ресурстық орталығының қызметкерлері ұйымдастырған. Олардың бұл ісі көпшілікке үлгі болды. Акцияға белсенділер, студенттер және Қазақстан халқы Ассамблеясының өкілдері қосылды.

"Біз бәріміз бір отбасымыз, қиын сәттерде бір-бірімізге қолдау көрсету маңызды. Біз тапсырған қан біреудің өмірін сақтап қалуы мүмкін", - деп атап өтті қатысушылар.

Шымкенттік жастар қаза болғандардың отбасыларына көңіл айтып, алдағы уақытта да қолдан келген көмекті көрсетуге дайын екенін жеткізді.

Мәтіннен қате тапсаңыз, бізге жазыңыз