Өз өмірін қатерге тігіп, өртеніп жатқан көлікті сүйреген: Қарағандыда ер адам марапатталды (видео)
Жарияланған күні:
Қарағандыда көліктерді өрттен аман алып қалған қаһарман марапатталды. Көрсетілген батылдық пен жанкештілік үшін оған алғыс хат табыс етілді, деп хабарлайды Қазыбек би атындағы аудан әкімдігіне сілтеме жасаған KAZ.NUR.KZ.
Ведомствоның Instagram-дағы ресми парақшасында пайда болған ақпаратқа сәйкес, Қазыбек би атындағы Қарағанды ауданы әкімінің орынбасары Ринат Қаржасбаев аудан әкімінің атынан Дияр Омарбекке Алғыс хат табыс етті.
Ол жедел әрекет етуінің арқасында өртеніп жатқан көлікті қауіпсіз жерге сүйреп апарып, мүмкін болатын өрттің және басқа көліктердің жарылуының алдын алған.
Оқиға Ермеков көшесі, 106 мекенжайындағы үйдің ауласында болған. Балабақшаға келген Дияр шетте қарап тұрмай, сыни сәтте батылдық пен ерлік танытты.
Жиынға қалалық мәслихат депутаты Бейсембай Жұмабеков пен Қарағанды қалалық Төтенше жағдайлар басқармасының басшысы Бауыржан Хабдулин қатысты
"Сіздің іс-әрекетіңіз басқа азаматтардың мүлкін, тіпті, мүмкін, өмірін сақтап қалды. Сіз қайсарлықтың, ерлік пен адамгершіліктің үлгісін көрсеттіңіз, сізге және сіздің отбасыңызға денсаулық, барлық бастамаңызға сәттілік тілейміз", - деп атап өтті әкімдік.
Еске салсақ, бұған дейін Қарағанды қаласында кездейсоқ өтіп бара жатқан тұрғынның жанып жатқан автокөлікті қауіпсіз жерге жылжытып, басқа көліктерді өрттен сақтап қалғаны туралы жазған едік.
Мақаланың түпнұсқасы: https://kaz.nur.kz/society/2205962-oz-omirin-qaterge-tigip-ortenip-zhatqan-kolikti-suiregen-qaragandyda-qaharman-marapattaldy-video/
