Шымкентте көпқабатты үйлерге күрделі жөндеу жүргізіліп жатыр

2023 жылы Шымкентте 1 млрд 41 мың теңге қаржыға 16 көпқабатты тұрғын үйдің мүлкіне күрделі жөндеу жұмысы жүргізілген. Үрдіс биыл да жалғасын тауып, 15 көпқабатты үй күрделі жөндеуден өтті, деп хабарлайды Ontustiktv.kz.

Телеарна мәліметінше, 2024 жылы күрделі жөндеу жұмыстарынан үнемделген қаржы есебінен 81 көпқабатты тұрғын үйдің жалпы мүлкіне техникалық зерттеу жұмыстары жүргізілген. Сондай-ақ жобалау-сметалық құжаттамалары әзірленіп, сараптаманың оң қорытындысы алынған.

1-кезеңде қала аумағындағы 15 көпқабатты тұрғын үйдің жалпы мүлкін күрделі жөндеуден өткізу үшін жергілікті бюджетке өтінім беріліп, 1 млн 139 мың теңге қаржы қаралды. Қазіргі таңда 15 көпқабатты тұрғын үйдің жалпы мүлкі күрделі жөндеуден өткізіліп жатыр.

Сонымен қатар қалада 12 әлеуметтік нысан құрылысын жүргізу жоспарланған. Оның жетеуі жаңа нысан болса, бесеуі күрделі жөндеуді қажет етеді.