Шымкентте полиция есірткі жеткізу арнасының жолын кесті

Шымкентте полиция есірткі жеткізу арнасының жолын кесті. Бұл туралы Polisia.kz Telegram-дағы арнасында хабарлайды.

Басылым мәліметіне сүйенсек, Тараз қаласының 58 жастағы тұрғыны мен Жамбыл облысының 51 жастағы тұрғыны ұсталып, олардан 30 келіге жуық кептірілген марихуана тәркіленген.

Бұл есірткі заттарын олар 1,5 млн теңгеге сатпақ болған.

Қазіргі таңда жайт бойынша тергеу жүргізілуде. Күдіктілер қамауда. Осы ретте тәртіп сақшылары есірткімен байланысты кез келген заңсыз әрекет қылмыстық жауапкершілікке әкеп соғатынын ескертті.