Абай облысында 20 жастағы қыз арнайы жасақ сарбаздарына жақындап, есінен танып қалған

Абай облысында арнайы жасақ қызметкерлері демікпе салдарынан тұншыққан 20 жастағы қызды құтқарып қалды. Бұл туралы Polisia.kz порталының Telegram-дағы арнасы хабарлайды.

Полиция мәліметінше, оқыс жағдай қыз патрульдік көліктен көмек сұрап келген кезде болған. Кенеттен есінен танып қалған қызға полиция қызметкерлері дереу жедел жәрдем шақырып, алғашқы медициналық көмек көрсете бастады.

Қызды суықтан қорғау үшін олар өздерінің күртелерін астына төседі.

"Медициналық көмек келгенге дейін Еркебұлан Мейрамбекұлы мен Жасұлан Тұяқов барынша күш салып, оның жағдайын тұрақтандырды. Осылайша ауыр зардаптардың алдын алуға мүмкіндік туды. Қазіргі уақытта қыздың денсаулығына еш қауіп төніп тұрған жоқ", - делінген хабарламада.

Еске салсақ, бұған дейін Шымкентте полицейлер қарт бауырларды өрттен құтқарғаны туралы жазған едік.

Мәтіннен қате тапсаңыз, бізге жазыңыз