Ақтөбе облысында 11 адам қар құрсауында қалды

Ақтөбе облысында ТЖМ қызметкерлері қар құрсауынан 11 адамды құтқарды. Бұл туралы 112KZ Telegram-дағы арнасы хабарлайды.

ТЖМ мәліметіне сүйенсек, күні кеше Хромтау ауданында жергілікті маңызы бар автожолда ішінде адамдары бар екі "Газель" автокөлігі қар құрсауында қалған.

Құтқарушылар 11 адамды, оның iшiнде бес баланы Хромтау қаласындағы "Далэс" кемпингiне жеткiздi. Олар медициналық көмекке мұқтаж болған жоқ.

"Төтенше жағдай қызметкерлеріне үлкен рахметімізді айтамыз. Жаңа біз бала-шағамызбен барлығымыз тоңып қалғанда, шақырғанда келіп, жылыту орындарына алып келді. Көп рахмет"- деді құтқарылған азаматша.

Мәтіннен қате тапсаңыз, бізге жазыңыз