ШҚО-да көлік көпірден құлап кетті (видео)

Шығыс Қазақстан облысында Toyota Hilux көлігі көпірден құлап, салдарынан бірнеше адам зардап шекті. Оқиға 1 қаңтарда Риддер қаласында болған. Апат сәті куәгерлердің камерасына түсіп қалған. Бұл туралы YK-news.kz сайтына сілтеме жасаған KAZ.NUR.KZ хабарлайды.

ШҚО полиция департаменті өкілдері апатқа көлік жүргізушісінің жол жағдайы мен ауа райын ескермегені себеп болғанын мәлімдеді. Көлік көпір қоршауына соғылып, оны бұзып, төменге аударылып кеткен. Жүргізуші мен көліктегі жолаушылар жарақат алды.

Жүргізушінің үстінен әкімшілік хаттама толтырылып, заң аясында шара қолданылған.

Зардап шеккендер оқиға куәгерлерін іздестіруде. Олар жолдағы ойықтардың апатқа себеп болғанын айтып, жол сапасына шағымданды. Бір куәгер апат сәтін түсірген камера жазбасын бөлісті. Қазір жол апатының мән-жайы анықталып жатыр.

Еске салайық, бұған дейін Абай облысында да жеңіл көлік Ертіс өзеніне құлап кеткен болатын. Алдын ала ақпарат бойынша, салонда төрт адам болған. Іздестіру-құтқару жұмыстары жүргізіліп жатыр.

Мәтіннен қате тапсаңыз, бізге жазыңыз