"95 көлік соқтығысқан жол апаты": оқиғаға қатысты қылмыстық іс қозғалды

3 қаңтарда Астана-Щучинск тасжолында 95 көліктің қатысуымен ірі жол апаты болды. Полиция өкілдері жол-көлік оқиғасына қатысты қылмыстық іс қозғалғанын хабарлады, деп жазады KAZ.NUR.KZ.

"Жүргізушілердің арақашықтықты және жылдамдық режимін сақтамауына байланысты, ҚР Қылмыстық кодексінің 345-бабы 1-бөлігі ("Жол қозғалысы ережелерін бұзу, абайсызда орташа ауырлықтағы зиян келтіру") және 353-бабы 1-бөлігі ("Көлік саласындағы қолданыстағы ережелерді бұзу") бойынша сотқа дейінгі тергеу басталды.

Тергеу барысында жол-көлік оқиғасының мән-жайы анықталады. Тергеу жұмыстары жалғасып жатыр", - деді Ақмола облысы ПД баспасөз қызметінің өкілдері.

Айта кетейік, 3 желтоқсан күні бұл жаппай апатта 95 көлік соқтығысып, көптеген көлікке зақым келген. Төтенше жағдайлар министрлігі өкілдерінің айтуынша, жолдағы көріну деңгейінің төмендігі мен көктайғақ апаттың негізгі себептері ретінде қарастырылып отыр.

Мәтіннен қате тапсаңыз, бізге жазыңыз