Қазақстанда Ұлттық құзыреттер орталығы құрылады

Қазақстан оқу-ағарту министрі Ғани Бейсембаев үкіметтің сәрсенбідегі отырысында биыл Астанада Ұлттық құзыреттер орталығы құрылатынын айтты. Бұл туралы KAZ.NUR.KZ үкімет таратқан мәліметке сүйене отырып хабарлайды.

Министрдің айтуынша, мұндай орталық кәсіби құзыреттерді, жаңа технологиялық шешімдерді және заманауи кәсіби дағдыларды дамытуға және өндіріске енгізуге ықпал етеді. Осындай орталықтар әлемнің өндірісі дамыған алдыңғы қатарлы мемлекеттерінде бар.

"Ұлттық құзыреттер орталығы базасында жыл бойы халықаралық чемпионаттарға арналған оқу-жаттығу лагерлері, республикалық біріншілік, ұстаздарға арналған салалық курстар өткізіледі", - дейді түсіндірді Ғани Бейсембаев.

Бұған қоса, министр елдегі техникалық және кәсіптік білім беру жүйесін дамыту үшін бизнес-құрылымдар мен инвесторлар тарту жоспарланғанын айтты.

Бейсембаевтың мәліметінше, қазір 518 кәсіпорын колледждерге қамқорлық көрсетіп отыр. Алдағы уақытта білім беру мекемелеріне қолдау көрсететін кәсіпорындар санын 4 мыңға жеткізу көзделген.

Мәтіннен қате тапсаңыз, бізге жазыңыз