Алматы – Анталья бағытында ұшып шыққан ұшақ Ақтау әуежайына қонуға мәжбүр болды
Опубликовано:
8 қаңтарда Алматы – Анталья бағыты бойынша ұшып шыққан Airbus A321 ұшағы техникалық себеппен Ақтау әуежайына қонды. Әуекомпания өкілдері осы жайтқа түсінік берді, деп хабарлайды KAZ.NUR.KZ.
Air Astana әуекомпаниясының Telegram-дағы ресми арнасында жарияланған мәліметке сүйенсек, 8 қаңтарда КС915 рейсін орындайтын Airbus A321 ұшағы әуежайдан жергілікті уақыт бойынша 08: 35-те ұшып кеткен.
"Техникалық себеппен ұшақ Ақтау әуежайына штаттық режимде қонды. Бұған орталық бактың отын жүйесінің сақтандырғыш клапанының ақаулығы себеп болды", - делінген компания хабарламасында.
Алматыдан қосалқы бөлікті жеткізу қажеттілігіне байланысты рейс 9 қаңтар сағат 09: 20-ға ауыстырылған.
"Жолаушыларға тамақ беріліп, қонақ үйге орналастырылды. Мұндай шаралар Антальядағы жолаушыларға қатысты да қабылданып жатыр", - дейді Air Astana өкілдері.
Айта кетейік, бұған дейін Ақтауға ұшпақ болған FlyArystan ұшағы ауа райының қолайсыздығына байланысты екі рет Атырауға оралғанын жазған едік.
Мәтіннен қате тапсаңыз, бізге жазыңыз