Шымкентте 23 лауазымды тұлға тәртіптік жауапкершілікке тартылды

Шымкент қаласының прокуратурасы сот арқылы мемлекеттік сатып алуға жосықсыз қатысушы деп танылған әлеуетті өнім берушілерді тізілімге енгізбеу фактілерін анықтады. Бұл туралы KAZ.NUR.KZ қалалық прокуратураның ресми сайтына сілтеме жасап хабарлайды.

Прокуратура мәліметіне сүйенсек, бұл бұзушылық жосықсыз өнім берушілерге конкурстарға кедергісіз қатысуға және тапсырыс берушілермен мемлекеттік сатып алу туралы шарт жасасуға мүмкіндік берді.

Қадағалау актісі бойынша тізілімге 25 жосықсыз өнім беруші енгізіліп, 23 лауазымды тұлға тәртіптік жауапкершілікке тартылды.

Айта кетейік, осыған дейін Қаржылық мониторинг агенттігі өкілдері Шымкент қаласы Әл-Фараби ауданы әкімі аппаратының басшысы жемқорлық айыбымен сегіз жылға сотталғанын мәлімдеген еді.

Мәтіннен қате тапсаңыз, бізге жазыңыз