Атырауда мұнай-газ өңдеу зауытында апат болып, 30 тонна жанармай төгілген

Атыраудағы мұнай-газ өңдеу зауытында апат болды. Өндіріс аумағында ақау шығып, жанармай жан-жаққа төгілген, деп хабарлайды "КТК" арнасы.

Телеарна ақпаатынша, сарылдап аққан жанармай біраз аумаққа жайылған. Әлеуметтік желіге таралған бейнежазбадан кейін кәсіпорын ресми ақпарат берді.

Зауыттағылар жер астындағы құбыр жарылды дейді. Қазір ол резервуардан ажыратылған. Өндіріс аумағына 20-30 тонна шамасында жанармай төгіліпті. Дегенмен ақау жойылып, зауыт баз қалпында жұмыс жасап тұр деп сендірді.

Ал төгілген жанармайды кері сорып алып, қайта өңдеуге жіберген көрінеді. Қазір арнайы құрылған комиссия ақаудың себеп-салдарын анықтауға кірісті. 

"Жарылған құбырды таптық. Жердің астында жатқан. Қазір жөнделіп жатыр. Жердің астынан қазып,таптық. Не жағдай болғанын комиссия анықтайды", - деді АМӨЗ директорының өндіріс жөніндегі орынбасарының міндетін атқарушы Нұрлан Есжанов.

Дереккөз: "КТК"

Мәтіннен қате тапсаңыз, бізге жазыңыз