"Сайрам-Өгем" ұлттық паркінің аумағында сирек кездесетін жыртқыш аң камераға түсіп қалды

"Сайрам-Өгем" ұлттық паркінің аумағында қар барысы фототұзаққа түсіп қалды, деп хабарлайды KAZ.NUR.KZ.

"Фототұзақтар арқылы алынған бірегей бейнелер бұл сирек кездесетін аңның ұлттық парк аумағында бар екенін растайды.

"Сайрам-Өгем" ұлттық паркінде қар барысының жүруі жабайы табиғатты сақтауға жағдай жасалғанын және парк қызметкерлері жүргізіп жатқан табиғатты қорғау шараларының жоғары тиімділігін дәлелдейді", - делінген "Сайрам-Өгем" ұлттық паркі желіде жариялаған видео сипаттамасында.

Естеріңізге сала кетсек, бұған дейін "Көлсай көлдері" ұлттық паркінде қар барысы мен оның үш аланы, сондай-ақ Түркістан сілеусіні фототұзаққа түсіп қалған болатын.

Мәтіннен қате тапсаңыз, бізге жазыңыз