Қазақстанның екі өңірінде көлік қозғалысы шектелді

Бүгін Ақмола және Қарағанды облыстарында ауа райының қолайсыздығына байланысты көлік қозғалысына шектеу қойылды, деп хабарлайды "ҚазАвтоЖол" Telegram-дағы ресми каналында.

Бүгін, 6 ақпанда сағат 20:30-да ауа райының бұзылуына байланысты екі республикалық жолда көліктің барлық түрінің қозғалысына шектеу қойылды.

Ақмола облысы бойынша "Астана-Қарағанды-Алматы" автожолының 1291-1353 шақырым аралығындағы учаскесі (Жібек Жолы төлемақы алу пунктінен Ақмола облысының шекарасына дейін). Қарағанды облысы бойынша "Астана-Қарағанды-Алматы" автожолының 1353-1426 шақырымы (Ақмола облысының шекарасынан Теміртау төлемақы алу пунктіне дейін) және 1505-1610 шақырымы аралығындағы (Қарағанды қаласынан Ақсу-Аюлы ауылына дейін) учаскесі.

Жолды 2025 жылғы 7 ақпан сағат 08:00-де ашу жоспарланған.