Наурыз айында Қарағандыдан Өскеменге әуе рейсі ашылады

"Южное небо" әуекомпаниясы Қарағанды-Өскемен бағытындағы және кері бағыттағы рейстің ашылғанын жариялады. Сату 2-29 наурыз аралығында басталады. Бұл туралы KAZ.NUR.KZ Қарағанды облысының әкімдігіне сілтеме жасап хабарлайды.

"Аптасына үш рет – сәрсенбі, жұма және жексенбі күндері ұшамыз", – делінген әуе компаниясының хабарламасында.

Рейстер коммерциялық, себебі биыл бұл бағытты субсидиялау бойынша конкурс өткізілмеген.

Еске салсақ, бұған дейін Шымкент тұрғындары енді Каирге тікелей қатынай алатынын жазған едік.

Сондай-ақ Шымкенттен Қытайдың Сиань қаласына тікелей рейс ашылатынын жазған болатынбыз.

Одан бөлек, Алматы мен Шанхай арасында тікелей әуе рейсі ашылуы мүмкін екені белгілі болды.