LRT-да жол жүру ақысы шамамен қанша теңге болады: Астана әкімі жауап берді

Астана әкімі Жеңіс Қасымбек Сарайшық ауданы тұрғындарымен кездесуде LRT-да жол жүру ақысы шамамен қанша теңге болатынын айтты, деп хабарлайды KAZ.NUR.KZ.

"LRT-да жол жүру ақысына келсек, жобамен баға белгіленген. 100 теңгеден 200 теңгеге дейін... Әзірге сол баға қала береді", - дейді Жеңіс Қасымбек.

Айта кетейік, бұған дейін CTS ЖШС басқарма төрағасы Асылбек Дүйсебаев биылғы қыркүйек айында LRT-ны тестілік режимде іске қосу, яғни жолаушысыз пойыздарды сынақтан өткізу жоспарланып отырғанын хабарлаған еді.

LRT желісінің вагондары Қытайдың Таншань қаласында құрастырылып жатыр. Бірінші партияда 19 жылжымалы құрамға тапсырыс берілген.

Төрт секциялы құрамдар толық жүктелгенде (6 адам/шаршы метр) 600-ден астам жолаушыны сыйдыра алады.