"Жолды тарылту": ІІМ автожолдардағы қауіпсіздікті қамтамасыз ету үшін жаңа тәсіл енгізіп жатыр (видео)

Ішкі істер министрлігі еліміздегі автожолдардағы қауіпсіздікті қамтамасыз ету үшін жаңа тәсіл енгізіп жатыр, деп хабарлайды ІІМ-нің ведомстволық сайты Polisia.kz.

Тасжолдарда жол апаттарының жиілеуіне байланысты ІІМ "Қауіпсіз жол" жедел-алдын алу іс-шарасы аясында барлық автожолға талдау жүргізіп, аса қауіпті учаскелерді анықтаған.

"Жолдың сол бөліктерінде жаңа тәсіл – жолды тарылту әдісі енгізіліп жатыр. Ол ЭЫДҰ елдері мен АҚШ-та қолданылады. Мақсат – тексеру емес, қайғылы жағдайлардың алдын алу.

Тарылған жолда жүргізуші жылдамдықты автоматты түрде төмендетіп, мұқият болады. Бұл қауіпті аймақ арқылы өтуді қауіпсіз етеді. Полиция қызметкерлері көлік жүргізіп келе жатқан адамның шаршамағандығына және жолды жалғастыра алатынына көз жеткізу үшін қысқаша профилактикалық әңгіме жүргізеді.

Сонымен қатар тәртіпті қамтамасыз ету үшін ІІМ дрондар мен жасырын патрульдеуді белсенді қолданады", - деп жазады басылым.

Мәтіннен қате тапсаңыз, бізге жазыңыз