Алматы облысында жер сілкінісі тіркелді

Алматы облысы Кеген ауданында 1 мамыр сағат 08:19-да жер сілкінісі тіркелді. Жер сілкінісі халыққа сезілмеген, деп хабарлайды KAZ.NUR.KZ облыстық ТЖД баспасөз қызметіне сілтеме жасап.

Облыстық ТЖД мәліметінше, 2025 жылғы 1 мамырда Астана уақытымен 08:19-де ТЖМ Сейсмологиялық бақылаулар мен зерттеулердің ұлттық ғылыми орталығының сейсмикалық станциялар желісі жер сілкінісін тіркеді.

Жер сілкінісінің ошағы Алматы облысы Кеген ауданы Қарқара ауылынан 10 км қашықтықта, Алматы қаласынан оңтүстік-шығысқа қарай 201 км қашықтықта орналасқан.

"Эпицентрдегі есептік қарқындылығы сезілмеген. Есептеулер бойынша бұл жер сілкінісін халық сезбеген және қауіп төндірмейді", - деп хабарлады Алматы облысы ТЖД өкілдері.

Құтқарушылар жер сілкінісі кезіндегі 10 қарапайым қадамды еске салып өтті.

1. Жер дүмпуі кезінде үрейленбеңіз;

2. Жер сілкіну кезінде лифт және баспалдақпен қолданбаңыз;

3. Жиhаздан, терезеден, ары тұрыңыз;

4. Жасырынатын жерді табыңыз - жоғарғы қабаттарда негізгі іргелі қабырғалардың бұрышында орын алып жасырыңыз;

5. Ғимараттан шығыңыз (төменгі қабаттарда), ал көп қабатты үйлерде жер сілкінісі аяқталған соң ғимараттан шығыңыз;

6. Кетер алдында суды, газды, электр қуатын мүмкіндігіңізше өшіріңіз;

7. Дабыл жол сандығын алыңыз (алдын ала дайындау қажет);

8. Электр желілерден , ғимарат, ағаштардан  аулақ болыңыз;

9. Жер сілкінуіне дайын болыңыз;

10. Қарт адамдарға, балаларға, мүмкіндігі шектеулі адамдарға көмек көрсетіңіз.

Мәтіннен қате тапсаңыз, бізге жазыңыз