Астанада Жеңіс күніне орай мерекелік отшашу болады

Астанада Жеңіс күніне орай мерекелік отшашу болады, деп хабарлайды елорда әкімдігіне сілтеме жасаған KAZ.NUR.KZ.

"Астанада Ұлы Отан соғысындағы Жеңістің 80 жылдығына орай 9 мамырда демеушілік қаражат есебінен ұйымдастырылатын мерекелік отшашу болады.

Отшашу 9 мамыр күні сағат 22.00-де екі жерден ұйымдастырылады: Ботаникалық бақ және "Атырау" көпіріне іргелес аумақ. Әр жерде 4 мыңға жуық рет атылады", - делінген әкімдік хабарламасында.

Айта кетейік, Астанада 7 мамыр – Отан қорғаушылар күні және 9 мамыр – Жеңіс күніне арналған 100-ден астам түрлі іс-шара жоспарланып отыр.

Оның ішінде концерттер, ғылыми конференциялар, мектептерде тәрбие сағаттары, спектакльдер және т.б. өтеді.

Мәтіннен қате тапсаңыз, бізге жазыңыз