Мамыр айының басында еліміздің кей өңірінде қар аралас жаңбыр жауып, күн бұзылады

Синоптиктер мамыр айының басында еліміздің кей өңірлерінде күн бұзылып, қар аралас жаңбыр жауатынын хабарлады, деп жазады "Қазгидромет"-ке сілтеме жасаған KAZ.NUR.KZ.

Мамыр айының басында Қазақстан аумағында барикалық құрылымдардың тез өзгеруіне байланысты ауа райы тұрақсыз болады деп күтілуде: найзағайлы жаңбыр, желдің күшеюі, солтүстік, шығыс және оңтүстік-шығыстың таулы аймақтарында түнде жаңбыр мен қар түріндегі жауын-шашын болады.

Республиканың оңтүстік-шығысында қатты жаңбыр, таулы аймақтарда – қатты жауын-шашын (жаңбыр, қар) күтіледі. Тек Қазақстанның оңтүстігінде ғана күн райы жауын-шашынсыз болады деп күтіліп отыр.

Солтүстік-батыста, солтүстікте, орталықта және оңтүстік-шығыста күндіз бұршақ жаууы мүмкін. Батыс пен оңтүстікте шаңды дауыл тұруы мүмкін. Республика бойынша түнгі және таңғы сағаттарда тұман түседі.

Температуралық жағдайда күрт өзгерістер күтілмейді.

Мәтіннен қате тапсаңыз, бізге жазыңыз