Астанада бүгін Жеңістің 80 жылдығына арналған әскери парад өтеді
Жарияланған күні:
Бүгін Астанадағы "Қазақ елі" алаңында Ұлы Жеңістің 80 жылдығына арналған Әскери парад өтеді, деп хабарлайды Ақорданың баспасөз қызметі.
Салтанатты іс-шараға елімізге мемлекеттік сапармен келген Вьетнам Коммунистік партиясы Орталық комитетінің Бас хатшысы То Лам қатысады.
Әскери шеру сағат 10.45-тен бастап елордада және барлық облыс орталығында LED-экрандар мен республикалық телеарналардан, сондай-ақ Facebook, YouTube, Telegram әлеуметтік желілеріндегі Ақорданың ресми парақшаларынан тікелей эфирде көрсетіледі.
Қорғаныс министрлігінің баспасөз қызметі өкілдері Жеңістің 80 жылдығына арналған әскери парад 2025 жылғы басты оқиғалардың бірі болатынын атап өтті.
Салтанатты шараға 4000-нан астам әскери қызметші, 200-ден астам әскери техника, сондай-ақ майдандық, армиялық және әскери-көліктік авиацияның 66 ұшағы мен тікұшағы қатысады.
Мақаланың түпнұсқасы: https://kaz.nur.kz/society/2242716-astanada-bugin-zhengisting-80-zhyldygyna-arnalgan-askeri-parad-otedi/
