Қазақстандық оқушылар қорытынды емтихандарды қашан тапсырады

Қазақстан Оқу-ағарту министрлігі 9 және 11 сынып оқушыларының қорытынды аттестациялаудан өту мерзімін, сондай-ақ аттестатты табыстау мерзімін бекітті, деп хабарлайды ведомствоның сайтына сілтеме жасаған KAZ.NUR.KZ.

Министрлік 2024–2025 оқу жылының басталуы мен аяқталу мерзімін, сондай-ақ қорытынды аттестацияны өткізу тәртібін бекітті.

9-сынып оқушылары үшін қорытынды емтихандар 2025 жылғы 29 мамыр мен 10 маусым аралығында өтеді. Олар міндетті пәндер бойынша төрт жазбаша емтиханнан тапсырады.

11-сынып түлектеріне арналған мемлекеттік емтихандар 2025 жылғы 30 мамыр мен 16 маусым аралығында өтеді. Оқушылар бес емтихан тапсырады, оның бірі ауызша түрде өткізіледі.

Негізгі және жалпы орта білім туралы аттестаттарды тапсыру салтанаты білім беру ұйымдарында 2025 жылғы 18-20 маусым аралығында өтеді.