Талғарда тұрғын үй аумағынан ұзындығы 2 метр жылан табылды (фото)

Талғарда құтқарушылар тұрғын үй аумағынан ұзындығы 2 метр жыланды ұстады, деп хабарлайды ТЖМ баспасөз қызметіне сілтеме жасаған KAZ.NUR.KZ.

ТЖМ баспасөз қызметінің мәліметінше, Талғар қаласының тұрғыны жеке тұрғын үй аумағында жорғалаушының табылғаны туралы хабарлаған.

Құтқарушылар шақырған жерге жедел жетіп, арнайы құралдың көмегімен ұзындығы 2 метрге жететін рептилияны ұстап алып, қауіпсіз жерге жіберді.

ТЖМ өкілдері жылан табылған кезде адамдарды орын-жайдан шығарып, жануарды құлыптап, құтқарушыларды шақыруды ұсынады. Жыланды өздігінен ұстау әрекеті қайғылы жағдайға әкелуі мүмкін дейді құтқарушылар.