Алматы әкімінің сапары кезінде қалада көлік қозғалысы шектелгені рас па: әкімдік жауап берді

Алматы әкімдігі әлеуметтік желілерде таралған Алматы қаласындағы жол қозғалысын шектеу туралы ақпаратқа байланысты хабарландыру жасады, деп хабарлайды KAZ.NUR.KZ.

Әлеуметтік желілерде Алматы қаласы әкімінің жұмыс сапарлары кезінде көлік қозғалысына шектеу қойылғаны туралы ақпарат тараған.

Қала әкімдігі Instagram желісіндегі ресми парақшасында бұл ақпаратқа қатысты түсініктеме берді.

"29-31 мамыр аралығында Алматы қаласында халықаралық деңгейдегі іс-шаралар өтіп, жол қозғалысы ішінара шектелді. Мұның жергілікті атқарушы органдардың қызметіне қатысы жоқ.

Алматы қаласы әкімінің жұмыс сапарлары кезінде көлік қозғалысына шектеу қойылмағанын және патрульдік көліктердің пайдаланылмайтынын хабарлаймыз", - деп жазды Алматы қаласы әкімінің баспасөз қызметі.